A'almajt'aane' ma'atech u kaláantik u yits'atil nu'ukul máasewal kaajo'obSputnikOochel Carolina HerreraK'iintsilMiércoles 31 ti' julio, 2019Tu noj lu’umil Méxicoe’ mina’an a’almaj t’aan jeets’el tu’ux ka kaláanta’ak ba’ax ku jóok’ol, yantal wa beeta’al tumen máasewal kaajo’ob, mixba’al kaláantik ba’ax u yojel u beet kaajo’ob, le beetik ku yúuchul ba’al je’el bix yéetel diseñadoro’ob ku taalo’ob ti’ táanxel lu’umo’ob, beey tu ya’alaj Ignacio Otero, juntúul jka’anal xook yóok’lal u kaláanta’al u yuumil ba’al wa derechos de autor. Talamil túune’ ku tajan k’astal tu jaatsil 159, tumen ku ts’áak páajtalilo’ob: ‘‘la utilización de las obras literarias, artísticas, de arte popular o artesanal; protegidas por el presente capítulo, siempre que no se contravengan las disposiciones del mismo’’. A’almajt’aane’ je’ets’ tumen ichil u sigloil XIX, tu lu’umil Francia, “tu’ux ma’ ki’imak u yóol kaaj yóok’lal bix táan u jóok’sa’al jump’éel xookil ti’ pik’il ju’uno’ob, tumen ku k’i’itbesa’alo’obe’ ts’o’okole’ ti’ u yuumilo’obe’ ma’atech u bo’ota’al”, ku tsikbaltik. Yanchaj u chowak xíimbalil ti’al ka páatak u je’ets’el Convenio de Berna tu’ux ku kaláanta’al u yuumil wa ba’ax ku patjo’oltal. ‘‘Chéen México yéetel Rusia ts’o’ok u k’áatiko’ob, ichil siglo máaniko’, ti’al ka yanak uláak’ jump’éel u jaatsil tu’ux ka kaláanta’ak u yits’atil kaajo’ob yéetel ba’ax u yojelo’ob”, ku ya’alik jxak’al xook.

Source: La Jornada July 31, 2019 12:40 UTC