Egentlich schull ik in mien Öller bilütten seker ween, so, dat jünger Lüüd to mi kaamt un haalt sik Raat bi mi. Man bün ik nich. Ik verkloor di Hunger, Migratschoon, Klimawannel, Corona, Ukraine - man glööv nich, dat ik sülvst fief Euro wetten do, dat mien Blick op de Saak ok würklich de richtige is. Weetst, wat ik faken dink: Wat harr mien Vadder seggt?, dink ik, de Ool, wat de nu seggen worr, dat schull mi verlangen. Wi hebbt snackt, ik segg, Vadder, kannst Du mi verkloren, wat los is in de Welt, segg ik, un dor hett he mi de Wohrheit vertellt, wat würklich los is in de Welt, de würkliche Wohrheit.

Source: Die Welt April 14, 2022 03:49 UTC